एक एक पाइला सामुदायिक स्वास्थ्य केन्द्रले थापाथली ११, बङ्ग्सिघाट सुकुम्बासी समुदायका बालबालिकालगायत तिनका अभिभावकहरूलाई लक्षित गरी चैत्र ,२८ ,२०७८ गते दन्त रोगसम्बन्धी निवारक कार्यक्रम आयोजना गरेको छ । कार्यक्रममा ४५ जनाले सहभागी जनाएका थिए । मूलतः दन्त रोग केन्द्रित उक्त कार्यक्रममा दन्त रोग विशेषज्ञ डा Nikita Khanal ज्यूले बालिबालिकाहरूले बुझ्ने सरल भाषा र रमाइलो शैली प्रयोग गर्नुहुँदै दन्त रोग र यसका रोकथामबारे जानकारीहरू दिनुभएको थियो । साथै, पोषण खाना र सफा पानीको आवश्यकताबारे पनि चेतनामूलक जानकारीहरू दिनुभएको थियो ।
